Katersugaasiviup katersugaatai illoqarfiup eqqaatalu oqaluttuarisaaneranik ilisarititsipput – saqqummersitat aalajangersimasumik sammisallit – qaannat, qallunaatsiaat il.il. – piffissap ingerlaarneranit inoqutigiiaallu assigiinngisitaarnerannit saqqummersitat, kiisalu taalliortup, palasip qalipaasullu Henrik Lundip illuanik eqaassutissaq.

Narsap katersugaasivia umiarsualivitoqqap eqqaani alianaatsumi inissisisimavoq. Katersugaasiviup saqqummersitai illoqarfimmi illut pisoqaanersaasa ilaanni Narsap 1830-mi pilersinneqarneraneersuni inissinneqarsimapput.

Katersugaasivik niuertarfeeraqarpoq, assitalersukkami teqeqqut ilaanni aliannaarsartarfeqarpoq, atuagassaqarluni oqaluttuarisaanermiillu videonik isiginnaarfittalimmik. Aammattaaq meeqqanut inissaqarpoq qangatnitsanik (nutaanillu) pinnguaateqartumik. Aasaanerani silami aaqqissuusisoqartarpoq ilaatigut takornariaqarnermut allaffimmiit ussassaarutigineqartartunik. Saqqummersitat angallassisulerluni (akeqanngitsumik) isiginnaarneqarsinnaapput.